Gjermania pranë përjashtimit të Huawei-t nga ndërtimi i rrjetit 5G, Ministrja e Mbrojtjes: “Rrezikohet siguria e shtetit”

Gjermania e ka ende në mendje vendimin për të përjashtuar kompaninë e telekomunikacionit kinez ‘Huawei’ në ndërtimin e rrjetit infrastrukturor për gjeneratën e pestë të internetit mobil. Kjo mund të ndodhë vetëm për arsye sigurie, sipas ministres së mbrojtjes.

Annegret Kramp-Karrenbauer u shpreh në një konferencë për sigurinë kibernetike se është e rëndësishme të minimizohet çdo risk.

Qeveria gjermane momentalisht po përpiqet t’i japë një tjetër formë sigurisë së 5G-së në një mënyrë që të parandalohen shtetet e huaja për të pasur akses në infrastrukturën e rëndësishme të Gjermanisë.

“Nëse kjo nuk është e mundur, atëherë ne duhet ta përjashtojmë Huawei nga kjo procedurë – ashtu siç kanë bërë edhe vende të tjera” – u shpreh ministrja, që është edhe një person mjaft i afërt me Angela Merkel.

Këto komente janë shenja më e fortë deri më tani që tregojnë se Berlini është i gatshëm të marrë një qasje më të ashpër ndaj Huawei, dhe mund të përjashtojë gjigandin e telekomunikacionit kinez nga të paktën disa pjesë të rrjetit 5G.

Të hënën, Ministri i Jashtëm Heiko Maas hodhi dyshime nëse Huawei mund të merrte pjesë në ndërtimin e rrjetit 5G të vendit.

Shtetet e Bashkuara po bëjnë presion ndaj aleatëve të saj për të refuzuar Huawei-n, si shitësin kryesor të pajisjeve të telekomunikacionit me një pjesë të tregut global prej 28%, duke thënë se pajisjet e tyre përmbajnë ‘dyert e pasme’ që do t’i mundësonin Kinës të spiunojë vendet e tjera.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.