Gjermania refuzon ftesën e Trump për rifutjen e Rusisë në G7 – Duhet zgjidhur më parë çështja e Krimesë
Gjermania ka refuzuar propozimin e Presidentit Trump që Rusia të ri-pranohet në mbledhjen e “G7” të ekonomive kryesore.
Rusia kishte qenë anëtare e grupit ndërqeveritar – i cili përfshin Kanadanë, Francën, Gjermaninë, Italinë, Japoninë, Mbretërinë e Bashkuar dhe SHBA – si një anëtar i tetë deri në dëbimin e saj në vitin 2014 pasi Putin aneksoi gadishullin e Krimesë dhe mbështeti një rebelim në lindje të Ukrainës.
Heiko Maas, sekretari i jashtëm i Gjermanisë, tha se nuk kishte asnjë perspektivë të ri-pranimit të Rusisë derisa ajo të zgjidhte situatën në Ukrainën Lindore dhe Krime.
Trump tha në qershor se “bënte sens” që presidenti rus Vladimir Putin të ftohej në G7.
“Problemi është shumë nga gjërat për të cilat flasim ne kanë të bëjnë me Putinin, kështu që ne thjesht jemi duke humbur kohë nëse nuk e ftojmë Putin në diskutime”, tha ai.
“Ne gjithashtu e dimë se kemi nevojë për Rusinë në mënyrë që të zgjidhim konfliktet në Siri, Libi dhe Ukrainë,” tha ministri i jashtëm gjerman në kundërpërgjigje.
Por ai shtoi që rifutja r Rusisë në formatin G7 nuk është e nevojshme, duke pasur parasysh që Rusia mbetet pjesë e G20, një grup më i madh i ekonomive kryesore.
D.B – SCAN
Burimi: Business Inisder
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.