Gjermania, rekord i çmimeve të prodhimit – Në bazë vjetore çmimi i gazit natyror u rrit me 144,8%
Çmimet e prodhimit në Gjermani u rritën 30.9% në vit në mars, duke reflektuar efektet e luftës në Ukrainë për herë të parë, treguan të dhënat nga Zyra Federale e Statistikave.
Shifrat e marsit shënojnë muajin e gjashtë radhazi të rritjes, kryesisht për shkak të rritjes së çmimeve të energjisë. Shtimi i kostove të fabrikave, të konsideruara si një tregues kryesor për çmimet e konsumit, ishte më i madhi që nga fillimi i regjistrimeve në vitin 1949, tha zyra e statistikave.
Pritshmëria mesatare e analistëve të anketuar nga Reuters ishte për një rritje vjetore prej 28.2%. Shkurti kishte shënuar një rritje prej 25.9% në vit. Çmimet e prodhimit shënuan një rritje prej 4.9% krahasuar me një muaj më parë.
Çmimet e energjisë u rritën me 83.8% krahasuar me marsin 2021. Shkaku kryesor i ishte rritja e fortë e çmimit të gazit natyror, me 144.8% në vit. Duke hequr çmimet e energjisë, çmimet e prodhimit u rritën me 14% në bazë vjetore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.