Gjermania rikuperon humbjen nga Covid-19. Rritet me 8.5% në tremujorin e tretë, Por pritet recesion në fundvit
Produkti i Brendshëm Bruto në Gjermani, u rrit me një normë rekord prej 8.5% në tremujorin e tretë, ndërkohë që ekonomia më e madhe e Europës është rimëkëmbur pjesërisht nga rënia e jashtëzakonshme e koronavirusit. Rimëkëmbja më e madhe se ç’pritej u nxit kryesisht nga shpenzimet më të mëdha të familjeve dhe rritja e eksporteve. “Kjo mundësoi ekonominë gjermane që të rikuperojë një pjesë të rënies gjigante të produktit të brendshëm bruto të shkaktuar nga pandemia në tremujorin e dytë”- deklaroi zyra e Statistikave. Treguesi u rishikua në rritje nga vlerësimi fillestar prej 8.2% dhe ndoqi një rënie me 9.8% në tremujorin e dytë. Megjithatë, perspektiva është nxirë nga vala e dytë e koronavirusit dhe masat e pjesshme të karantinës, që synojnë ngadalësimin e infeksionit. Restorantet, baret, hotelet dhe qendrat e zbavitjeve, janë mbyllur që prej 2 Nëntorit. Kancelarja Angela Merkel dhe liderët shtetërorë do të takohen këtë Javë për të biseduar mbi zgjatjen e karantinës deri më 20 Dhjetor. Rënia e sektorit të shërbimeve pritet të ndikojë tek ekonomia në tremujorin e katërt, ndërkohë që masat e karantinës në vende të tjera, pritet të godasin eksportet dhe manifakturën.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.