Gjermania s’ia del dot pa emigrantët – I duhen 260,000 në vit për të plotësuar kërkesat e punës
Gjermanisë i duhen të paktën 260,000 emigrantë në vit deri në vitin 2060, për të plotësuar hendekun në tregun e punës, që vjen nga rënia demografike, sipas firmës hulumtuese, Bertelsmann Foundation.
Prej kësaj shifre, 146,000 njerëz çdo vit duhet të emigrojnë nga vendet që nuk janë anëtare në Bashkimin Europian. Për shkak të plakjes së popullsisë, fuqia punëtore në Gjermani pritet të tkurret me thuajse 30%, apo me 16 milionë njerëz deri në vitin 2060, pa përfshirë emigrimin.
Në mungesë të emigrantëve, hendeku në tregun e punës mund të shkaktojë një ndikim katastrofik për ekonominë më të madhe të Europës.
Sipas skenareve të marra në studim, hulumtuesit supozojnë se norma e lindjeve po rritet, më shumë gra përshtaten me tregun e punës dhe mosha e daljes në pension rritet në 70 vjeç.
Studimi vlerësoi se 114,000 njerëz do të emigrojnë nga vendet anëtare të Bashkimit Europian, por faktorët demografikë dhe konvergjenca ekonomike brenda 28 vendeve anëtare, do të ulë nxitjen e punëtorëve që të shkojnë në Gjermani.
Zbulimet e këtij studimi tregojnë se Gjermania duhet të adaptojë sa më shpejtë ligje të emigrimit për të tërhequr punëtor me aftësi të mesme e të larta, si dhe të zhvillojë programe më të forta të integrimit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.