Gjermania synon të ‘taksojë’ multimilionerët e vendit
Bashkëqeverisësja Social Demokratët e Gjermanisë kërkon të vendos një taksë pasurie për multimilionerët dhe miliarderët dhe të përdorin të ardhurat shtesë për të rritur investimet publike në infrastrukturë, tha një nga udhëheqësit e saj të përkohshëm.
Thorsten Schaefer-Guembel u tha gazetarëve se komiteti ekzekutiv i partisë SPD më herët gjatë ditës miratoi një propozim të grupit punues që parashikonte një taksë pasurie prej 1% për asete të tilla si prona, pasuritë e paluajtshme, aksionet e kompanisë dhe paratë cash.
Taksimi do të ketë si shënjestër gjermanët me pasuri mbi 2 milion euro por kancelaria Angela Merkel e ka kundërshtuar një taksë pasurie.
SPD planifikon të parashikojë të ardhura vjetore deri në 10 miliardë euro. Pasuria private është e përqendruar në shumë pak duar në Gjermani pasi 1 % e familjeve më të pasura në Gjermani zotërojnë gati një të katërtën e aseteve totale neto.
Një sondazh i publikuar të hënën tregoi se 58% e gjermanëve thanë se ishin në favor të vendosjes së një takse të tillë të pasurisë ndërsa 33% thanë se kundërshtuan idenë.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.