Gjermaninë e zë frika – Do të shmangë luftën tregtare BE-SHBA, do ishte humbësja më e madhe
Gjermania është vendi më i interesuar në Europë për të shmangur një luftë tregtare mes Bashkimit Europian dhe Shteteve të Bashkuara të Amerikës.
Bëhet fjalë për më shumë se 1 milion vende pune të cilat varen drejtpërdrejtë nga eksportet. Brukseli zyrtar ka vendosur si afat përfundimtar ndaj shteteve të bashkuara datën 1 Qershor.
Rrezikun e një lufte tregtare mes Brukselit dhe Washingtonit e ka nënvizuar së fundmi edhe kreu i shoqatës gjermane të tregtisë së jashtme.
Ekonomia gjermane, më e madhja e Eurozonës, ka një varësi të lartë ndaj eksporteve, dhe eksportet ndaj Shteteve të Bashkuara të Amerikës zënë një pjesë të konsiderueshme të tortës.
Brukseli ka deklaruar se në rast se, Washingtoni nuk tërhiqet nga tarifat ndaj aluminit dhe çelikut, do të aplikojë reciprocitetin me tarifa ndaj gjalpit të kikirikut dhe xhinseve.
Berlini ndërkohë po lobon për idenë e një marrëveshje të gjerë për uljen e tarifave mbi një spektër më të gjerë produktesh, kryesisht ato në manifakturë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.