Gjigandët e teknologjisë nënshkruajnë marrëveshjen – “Jo Inteligjencë Artificale për armët”
Kompanitë liderë në fushën e teknologjisë, përfshirë Elon Musk dhe tre bashkëthemeluesit e DeepMind, kompanisë së Inteligjencës Artifiale të Google, kanë firmosur një marrëveshje për të mos zhvilluar armë vdekjeprurëse autonome.
Sipas zotimit të grupit, sistemet e armëve që përdorin Inteligjencën Artificiale për të zgjedhur dhe eliminuar objektivat pa ndërhyrjen njerëzore përbëjnë një rrezik moral dhe pragmatik. Firmëtarët argumentojë se moralisht vendimi për të marrë një jetë njerëzore nuk duhet t’i delegohet kurrë një makinerie. Ndërsa nga ana pragmatike, ata shprehen se përhapja e këtyre armëve do të ishte destabilizuese për çdo shtet dhe individ.
Zotimi u publikuar ditën e mërkurë gjatë Konferencës së përbashkët Ndërkombëtare mbi Inteligjencën Artificiale në Stokholm, organizuar nga Insituti për të Ardhmen e Jetës. Më herët ky institut i ka bërë thirrje Kombeve të Bashkuara të nxjerrin rregulla të reja që ndalojnë armët vdekjeprurëse autonome.
Krahas SpaceX dhe DeepMind, firmëtarët e tjerë janë disa prej studiuese dhe shpikësve më të rëndësishëm në botën e Inteligjencës Artificiale.
Kjo gjithsesi nuk i ndalon kompanitë të ndërtojnë mjete ushtarake me IA, pa qëllime vdekjeprurëse. Megjithatë, ky zotim mund të bëjë një diferencë moralisht edhe për vetë kompanitë. Disa muaj më parë, punonjësit e Google protestuan kur zbuluan se kompania po ndihmonte Pentagonin për të zhvilluar dronë me IA.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.