Gjigandi Apple është sërish “në telashe” – Thirrje mbi privatësinë e fëmijëve
Më shumë se 90 grupe mbi politikat e privatësisë dhe të drejtave në të gjithë botën i kanë drejtuar një letër të hapur gjigandit Apple, për të braktisur planet për skanimin e mesazheve të fëmijëve dhe të rriturve, për imazhe të abuzimit seksual me fëmijët.
“Megjithëse këto plane kanë për qëllim të mbrojnë fëmijët dhe të zvogëlojnë përhapjen e materialeve të abuzimit seksual të fëmijëve, ne jemi të shqetësuar se ato do të përdoren për të censuruar fjalimin e mbrojtur, për të kërcënuar privatësinë dhe sigurinë e njerëzve në të gjithë botën dhe do të kenë pasoja katastrofike për shumë fëmijë” shkruajnë grupet në letrën, e cila u raportua për herë të parë nga Reuters.
“Është kaq zhgënjyese që Apple po e bën këtë, sepse ata kanë qenë një aleat i fortë në mbrojtjen e kriptimit në të kaluarën” tha Sharon Bradford Franklin, bashkëdrejtore e Projektit të Sigurisë dhe Mbikëqyrjes së CDT.
Një zëdhënës i Apple tha se kompania kishte adresuar shqetësimet e intimitetit dhe sigurisë në një dokument të Premten ku përshkruhej pse arkitektura komplekse e softuerit të skanimit duhet t’i rezistojë përpjekjeve për ta përmbysur atë.
Megjithëse shumica e kundërshtimeve deri më tani kanë qenë mbi skanimin e pajisjeve, letra e koalicionit fajëson gjithashtu një ndryshim në iMessage në llogaritë familjare, i cili do të përpiqej të identifikonte dhe mjegullonte lakuriqësinë në mesazhet e fëmijëve, duke i lejuar ata ta shikojnë atë vetëm nëse prindërit njoftohen.
Nënshkruesit thanë se hapi mund të rrezikojë fëmijët të kërkojnë materiale edukative.
Burimi origjinal: Reuters
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.