Gjigandi teknologjik Japonez Fujitsu angazhohet për të dhënë 100 për qind energji elektrike të rinovueshme
Fujitsu është bashkuar me RE100, një iniciativë globale e kompanive më të mëdha në botë, nga ku janë të angazhuara për energji të rinovueshme, njoftoi ditën e premte kompania. Gjigandi teknologjik ka vënë në vetvete qëllimin e furnizimit të përdorur me energji elektrike në vendet brenda dhe jashtë Japonisë nga burimet e ripërtëritshme deri në vitin 2050, me një objektiv të përkohshëm prej 40 për qind deri në vitin 2030.
Për të arritur qëllimet e saj, Fujitsu do të përdorë një numër mekanizmash ndihmuese, duke përfshirë marrëveshjet e blerjes së energjisë dhe instalimet në vend të paneleve diellore. Biznesi gjithashtu planifikon të vazhdojë kërkimet për një hulumtim dhe zhvillim teknologjik më të hollësishëm lidhur me menaxhimin dhe ruajtjen e energjisë.
“Me teknologjinë dhe ekspertizën tonë, Fujitsu do të tregojë lidership në ofrimin e zgjidhjeve për kapërcimin e çdo pengese për shpërndarjen e energjisë së rinovueshme, siç mund të jetë kostoja,” tha në një deklaratë Hideyuki Kanemitsu, kreu i Njësisë së Përgjegjshme të Biznesit në Fujitsu. Grupi Fujitsu ka plane ambicioze kur është fjala për qëndrueshmërinë dhe mjedisin.
Sipas planit Fujitsu Climate and Energy Vision, biznesi dëshiron të zvogëlojë emetimet e dioksidit të karbonit në zero deri në vitin 2050. RE100 udhëhiqet nga grupi ndërkombëtar jofitimprurës Climate Group në partneritet me CDP, i njohur më parë si Projekti për zbulimin e karbonit.
Anëtarë të tjerë të RE100 përfshijnë edhe Facebook, Goldman Sachs, Grupi Carlsberg dhe eBay. “Ne jemi të kënaqur që ta mirëpresim Fujitsun në RE100,” tha Sam Kimmins, kreu i RE100. “Angazhimi i tyre vjen në një kohë vendimtare, duke dërguar një mesazh të qartë në botë se kompanitë japoneze janë të angazhuara, së bashku me kolegët e tyre globalë, 100 për qind për të dhënë energji të rinovueshme “.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.