Gjigantët e makinave drejt shkrirjes? – Vjen propozimi për kompani të përbashkët
Renault do të propozojë një plan për të krijuar një kompani të përbashkët e cila do t’i jepte krijuesit të makinave franceze dhe partnerit japonez Nissan të drejta të barabartë, një burim i brendshëm tha për Reuters.
Sipas marrëveshjes, të dy firmat do të propozonin një numër të barabartë drejtorësh për kompaninë e re, e cila do të drejtohej nga kryesuesi i Renault, Jean-Dominique Senard.
Propozimi u bë publik për herë të parë të premten nga e përditshmja e biznesit Nikkei, e cila tha se Renault pret që së shpejti të vendosë një plan për Nissan, sipas të cilit aksionet e zakonshme të të dy prodhuesve do të transferohen në kompaninë e re në një bazë të balancuar.
Kjo do të zvogëlonte në mënyrë efektive pjesën e qeverisë franceze tek Renault në rreth 7-8 për qind nga 15 për qind.
Kompania e sapokrijuar do të kishte selinë në një vend të tretë, siç është Singapori, njoftoi media japoneze Nikkei pa cituar burime.
Propozimi vjen pasi prodhuesi francez e kishte kontaktuar Nissan me një ide bashkimi përpara një takimi operacional të aleancës këtë fillim muaj, por drejtori ekzekutiv i Nissan Hiroto Saikawa nuk pranoi të diskutonte çështjen me Senard, sipas burimit të Reuters.
Pikëpamja për Aleancën Renault-Nissan, një nga partneritetet kryesore në botë të automobilave, është pezulluar më parë nga arrestimi në Nëntor të arkitektit kryesor të saj, Carlos Ghosn, për sjellje të dyshimta financiare.
Një performancë financiare e dobët në Nissan ka nxitur gjithashtu shqetësime se ndjekja e objektivave tepër ambiciozë të shitjes nën Ghosn, veçanërisht në Shtetet e Bashkuara, mund të ketë dëmtuar rëndë markën dhe përfitimet e kompanisë.
Ishte e paqartë nëse Renault do të ketë zërin kryesor në vendimet e mëdha në kompaninë e re, ashtu sikurse ka në Renault-Nissan B.V. (RNBV), një kompani strategjike e menaxhimit të mbajtur bashkërisht nga të dy kompanitë dhe që mbikëqyr operacionet për partneritetin.
Partneriteti i Nissan me Mitsubishi Motors, në të cilin mban një aksion 34 %, do të mbetet i pandryshuar sipas propozimit të ri, tha Nikkei.
Burimi: Reuters
Përshtati: E.S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.