Gjiknuri: “Lungomare” e Vlorës do të zgjatet deri në pyllin e Sodës

Ministri i Energjisë, Damian Gjiknuri që njëkohësisht është edhe drejtuesi politik i Qarkut të Vlorës deklaron se katër vjeçarin e ardhshme shëtitorja e re do të vazhdojë të zgjatet deri në Pyllin e Sodës për t’u shndërruar në një vepër unike. Këtë deklaratë, Gjiknuri e bëri gjatë një takimi të zhvilluar me përfaqësues të biznesit dhe me grupet e interesit.

“Kjo nuk është e vetmja, ju e dini se plani i shëtitores katër vjeçarin tjetër është të shtrihet deri tek Pylli i Sodës dhe kjo e bën akoma më unike. Një qytet që në gjithë vijën bregdetare ka një shëtitore është një vlerë jashtëzakonisht e madhe për qytetin. Ju e dini se Vlora ka filluar të hyjë në hartën e kroçerave. Angazhim yni mbetet që katër vjeçarin e ardhshëm të bëjmë investime në Portin e Vlorës që ai të jetë i përshtatshëm për akomodimin e kroçerave. Do të ketë një fluks të kroçerave nga Europa edhe për shkak të orientimeve që kanë ato vende”, nënvizoi Gjiknuri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.