Gjoba 2 mijë USD për kasat – Tatimet publikojnë në faqen zyrtare identitetin e 127 shkelësve
Po vijnë duke u ashopërsuar masat e tatimorëve ndaj shkelësve të ligjit. Administrata tatimore nuk po mjaftohet vetëm me evidendimitm dhe gjobitjen e subjekteve që nuk përdorin rregullisht apo fare kasat fiskale, por ka nisur edhe publikimin e identitetit të tyre në faqen e vet zyrtare.
Këtë javë në faqen zyrtare të Drejtorisë së Përgjithëshme të Tatimeve janë publikuar pronarët dhe niptet e 127 bizneseve të cilët janë evidentuar me kundravajtje në përdorimin e kadave fiskale. Pjesa më e madhe e gjobave ndaj këtyre bizneseve është në vlerën e 50 mijë lekëve, por nuk mungojnë as gjobat nga 1 mijë deri 2 mijë dollarë.
Në faqen e vet zyrtare, Drejtoria e Përgjithëshme e Tatimeve sqaron se identiteti i shkelësve më pajisjet fiskale do të bëhet publik Publikohet identiteti i tatimpaguesit kundërvajtës në rastet kur: nuk instalon pajisjen fiskale ose sisteme të monitorimit të qarkullimit; nëse pas verifikimit të parë, konstatohet se tatimpaguesi vazhdon të mos e instalojë pajisjen fiskale dhe situata nuk është rregulluar brenda 15 ditëve; kur nuk lëshon kupon tatimor për të dokumentuar qarkullimin e realizuar të mallrave apo të shërbimeve. Identiteti publikohet gjithashtu për çdo konstatim të përsëritur të moslëshimit të kuponit tatimor, pas dy konstatimeve të para.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.