Gjoba më e lartë në historinë e COVID-it! 35.000 dollarë për vetëm 3 ditë
Një burrë nga Tajvani është gjobitur me 35.000 dollarë, për prishjen e vazhdueshme të karantinës. Burri për të cilin emri nuk bëhet i ditur, jeton në Taichung në Tajvanin Qendror dhe sipas mediave lokale, ka thyer karantinën të paktën 7 herë.
Sipas TTV News, burri u largua nga ndërtesa e tij shtatë herë në vetëm tre ditë, për të bërë pazarin, për të ccuar makinën në servis, etj. Mediat lokale raportojnë se ai u grind me një nga fqinjët e tij, kur ata e konfrontuan për shkak të lëvizjes së tij nga shtëpia.
Tajvani ka qenë një nga historitë më të mëdha të suksesit në botë kur bëhet fjalë për të kontrolluar koronavirusin. Ishulli i vetëqeverisur mbylli kufijtë e tij herët, zbatoi testimin masiv dhe gjurmimin e kontakteve, si dhe ka zbatuar rreptësisht karantinën.
Burimi origjinal: CNN
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.