Gjoba për kushtet e punës – OSHEE padit në Gjykatë Inspektoratin Shtetëror të Punës
Duket se jo vetëm kompanitë private vihen nën akuzë për shkeljeve të kushteve të punësimit.
Gjobave për mosrespektim të kushteve të punës për punonjësit nuk u kanë shpëtuar as ndërmarrjet shtetërore. Inspektorati Shtetëror i Punës dhe Shërbimeve Shoqërore nuk ka kursyer penalitetet as për Operatori Shpërndarjes se Energjisë.
Dy institucionet kanë nisur të hënën përplasjen në Gjykatën Administrative të Apelit për shkak të gjobave të vendosura nga ISSH për mosrespektim të kushteve të punës.
TV Scan ka zbardhur padinë e regjistruar nga OSHEE më datë 9 shkurt të këtij viti, përmes së cilës kompania kërkon shfuqizimin e plotë të një akti administrativ të nxjerrë nga Inspektorati i punës më 17 prill 2015.
Paralelisht OSHEE kërkon edhe shfuqizimin e vendimit të Komisionit te Apelimit te Gjobave, i cili pak muaj më vonë ka lënë në fuqi penalitetin ndaj OSHEE.
Një përplasje e ngjashme mes kompanisë së shpërndarjes dhe ISSH dhe kompanisë së shpërndarjes ka ndodhur edhe në vitin 2010, kur operatori zotërohej nga kompania çeke CEZ.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.