Gjoba të “kripura” për 16 kompani – “Dhunuan” privatësinë e qytetarëve, kryesojnë “call-center”-at dhe kompanitë ajrore

Në 8 muajt e parë të vitit, 16 vendime me gjoba janë marrë nga Komisioneri për Mbrojtjen e të Dhënave Personale për subjektet që kanë abuzuar me privatësinë e qytetarëve apo të punonjësve të tyre.  Nga vendimet, rezulton se gjatë kësaj periudhë sektorët që janë kontrolluar dhe ku janë kapur shkelje, kanë qenë  të ndryshëm, por më së shumti dominojnë kompanitë call center.

Nga lista e subjekteve të gjobitura,  vihet re se 5 prej vendimeve janë në këtë sektor. Ndërsa po ashtu, janë ndëshkuar edhe kompani udhëtimi, rrugore dhe ajrore, dhe emra të njohur të sektorit, universitete private, farmaci, etj. Ndër vite, më problematikët në shkeljen e privatësisë kanë rezultuar  call center-at,  kompanitë turistike,  kompanitë marketimi të drejtpërdrejtë si dhe shëndetësia. Vlera gjobave të vendosura nga Komisioneri për Mbrojtjen e të Dhënave Personale varion nga 20 mijë deri në 2 milion lekë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.