Gjobat, blegtorët do mund t’i ankimojnë – Krijohet Komisioni për shqyrtimin e masave administrative të Shërbimit veterinar
Çdo blegtor apo subjekt i përfshirë në këtë sector do të mund të ankimojë gjobat e vendosura nga shërbimi veterinar te një Komision që do të ngrihet posaçërisht për këtë qëllim. Me propozimin e Ministrisë së Bujqësisë Këshilli i Ministrave ka vendosur ngritjen e KOMISIONIT TË SHQYRTIMIT TË MASAVE ADMINISTRATIVE TË MARRA NGA SHËRBIMI VETERINAR SHTETËROR.
Ai do të përbëhet nga 5 anëtarë me këtë përbërje: një nga nëpunësit e trupës civile të nivelit të lartë drejtues në ministri, që do të jetë dhe kryetar; një përfaqësues nga njësia përgjegjëse për çështjet juridike në ministri; c) një përfaqësues nga struktura përgjegjëse për veterinarinë në ministri; dhe dy përfaqësues nga shërbimi veterinar rajonal i veterinarisë.
Me kërkesën e ankuesve në mbledhjet e Komisionit do të jetë I detyruar të paraqitet veterineri zyrtar i kontrollit ose grupi I veterinerëve zyrtarë të kontrollit, që kanë marrë masën objekt ankimi. Për çdo shqyrtim thirret në mbledhje përfaqësuesi ligjor i ankuesit ose përfaqësuesi me autorizim/prokurë.
Përfaqësuesi ligjor i ankuesit ose përfaqësuesi me autorizim/prokurë mund të jape shpjegime para dhënies së vendimit, ndërkohë që Çështja mund të shqyrtohet dhe në mungesë të përfaqësuesit të ankuesit.
Komisioni ka të drejtë të vendosë lënien në fuqi të masës objekt ankimi dhe rrëzimin e ankimit kur është i pambështetur ose I paraqitur jashtë afatit; anulimin ose shfuqizimin e masës object ankimi, duke pranuar tërësisht ankimin; ndryshimin pjesërisht të masës objekt ankimi, duke pranuar pjesërisht ankimin; si dhe pushimin e shqyrtimit të ankesës.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.