Gjobat e dënimet ndaj gjyqtarëve – Jo vetëm nga ILD, Këshilli i Lartë Gjyqësor miraton rregulloren për procedurat disiplinore
Nuk do të jetë vetëm Inspektori i Lartë i Drejtësisë ai që do të hetojë dhe vendosë masa disiplinore ndaj gjyqtarëve të vënë nën akuzë për shkelje, por këtë do ta bëjë edhe Këshilli I Lartë Gjyqësor. Ky organ ka miratuar mënyrën e funksionimit të Komisionit të Përhershëm Disiplinor, si dhe një rregullore të detajuar e cila përcakton procedura më të detajuara për zhvillimin e procedurave disiplinore të Këshillit të Lartë Gjyqësor, për shqyrtimin e çështjeve që lidhen me procedura disiplinore të zhvilluara nga Inspektori I Lartë i Drejtësisë, ndaj gjyqtarëve të të gjitha niveleve.
Procedurat disiplinore, të parashikuara në ligjin “Për statusin”, janë si vijon: a) ankimi ndaj mosveprimit administrativ të ILD-së, në rastin kur nuk zbaton afatet e parashikuara nga ligji; si dhe ankimi ndaj vendimit të ILD-së, për dënimin me gjobë. shqyrtimi i marrëveshjes së përbashkët të pranimit të shkeljes disiplinore, si dhe të ankimit ndaj mosveprimit administrativ të ILD-së; shqyrtimi e procedimeve disiplinore, të filluara nga ILD-ja, dhe kur është rasti, marrjen e masave disiplinore të parashikuara në ligj; detyrë e përcaktuar nga rregullorja ëshë edhe marrja e të gjitha masave të nevojshme dhe sigurimin e zbatimit dhe mbikëqyrjen e masave disiplinore, që vendosen në përfundim të një procedimi disiplinor; por edhe pezullimi i detyruar i magjistratit nga detyra, në rast se ndaj të cilit është paraqitur një kërkesë për fillimin e procedimit disiplinor, kryesisht apo mbi kërkesën e ILD-së.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.