Gjobë e dyfishtë në “këmbim” të mospezullimit të patentës, por jo të gjithë përfitojnë

Në “këmbim” të mospezullimit të patentës drejtuesit e mjeteve mund të paguajnë dyfishim të gjobës së parashikuar për dispozitën e shkelur. Në Kuvendin e Shqipërisë është depozituar një projektligji “Për një ndryshim dhe shtesë në Kodin Rrugor”, e iniciuar nga deputeti i PS Pjerin Ndreu, ku nuk përfitojnë të gjithë.

Në relacionin shoqërues deputeti Nderu sqaron se e ka marrë këtë nismë “duke vlerësuar shqetësimet e shtetasve kosovare, emigrantëve, por dhe shtetasve te huaj, si drejtues mjetesh, qe udhëtojnë në një numër shume te madh ne Shqipëri, veçanërisht gjate periudhës se verës”.

“Nga zbatimi në praktikë i pikës 3 të nenit 127 të Kodit Rrugor kanë lindur vështirësi dhe pengesa. Kjo pikë e këtij neni është amenduar edhe në vitin 2011, me ligjin nr. 10488. Por përsëri zbatimi i pikës 3 nuk ka siguruar një normalitet të punës për organet zbatuese të ligjit dhe në mjaft raste janë konstatuar edhe elemente korruptive.

Në këto kushte, si deputet i Kuvendit të Shqipërisë, duke vlerësuar shqetësimet e shtetasve kosovare, emigrantëve, por dhe shtetasve të huaj, si drejtues mjetesh, që udhëtojnë në një numër shumë të madh në Shqipëri, veçanërisht gjatë periudhës së verës, si dhe duke marrë në konsideratë faktin që duhet të shmangim hallka të panevojshme institucionale për zbatimin e Kodit Rrugor dhe mirëfunksionimin e ligjit, paraqes nismën ligjore për të ndryshuar pikën 3 të nenit 127 dhe të për shtuar dy pika të tjera 3/1 dhe 3/2, të cilat rregullojnë përfundimisht problematikat e hasura deri më sot për këtë çështje”, thuhet në relacion.

Çfarë propozohet në projektligj?

Nëse ndryshimi i propozuar votohet në Parlament, do të ketë impakt pozitiv te shtetasit e huaj dhe do të sjellë shumë të ardhura në buxhetin e shtetit, sipas argumenteve të deputetit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.