Gjuha shqipe futet si lëndë me zgjedhje në shkollat e mesme në Turqi
Studentët në Turqi do të kenë mundësinë të mësojnë gjuhën shqipe dhe boshnjake vitin e ardhshëm nëpër shkolla.
Sipas një përfaqësuesi të Ministrisë së Arsimit turke, këto gjuhë do të futen në programin e shkollave të mesme shtatorin e ardhshëm.
Nxënësit 13-16 vjeç do të munden të mësojnë këto gjuhë si pjesë e kursit të gjuhëve të folura dhe dialekteve. Në këtë lëndë ata zgjedhin midis gjuhëve të folura në Turqi dhe në vendet fqinje, si dhe dialektet e ndryshme kurdë.
Nga mosha 7 deri në 18 vjeç, nxënësit në Turqi mësojnë anglishten si gjuhë të detyrueshme dhe mund të zgjedhin midis gjermanishtes dhe frëngjishtes.
Në vitin 2015, Bosnja dhe Turqia firmosën një marrëveshje, sipas të cilës turqishtja do të mësohej në mbi 80 shkolla në vend.
Edhe në Shqipëri, gjuha turke mësohet në disa shkolla private 9-vjeçare e të mesme si lëndë me zgjedhje.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.