Gjykata Administrative, mosmarrëveshjet për kontratat e punës do shihen si çështje civile

Mosmarrëveshjet për kontratat e punës mes punëdhënësit dhe punëmarrësit priten t’i rikthehen si e drejtë Gjykatës për Çështjet Civile dhe jo Gjykatës Administrative.

Gjatë diskutimeve të projektligjit “për organizimin dhe funksionimin e gjykatave administrative dhe gjykimin e mosmarrëveshjeve administrative”, në Komisionin e Ligjeve, relatorja, Vasilika Hysi, tha se është dakord me këto propozime, por ngriti pikëpyetje se si do të veprohet me çështjet që janë ende në shqyrtim.

Komisioni  i Ligjeve shqyrtoi edhe projektligjin për “organizimin dhe funksionimin e Ministrisë së Drejtësisë”. Nismat vijnë si detyrime që rrjedhin pas miratimit të 7 ligjeve kuadër të funksionimit të organeve të drejtësisë.

Projektligji për “organizimin dhe funksionimin e gjykatave administrative dhe gjykimin e mosmarrëveshjeve administrative dhe ndryshimet e bëra në ligjin për organizimin dhe funksionimin e Ministrisë së Drejtësisë, u miratuan në parim dhe miratimi në tërësi i tyre do të bëhet pas një tryezë që pritet të zhvillohet me kreun e Gjykatës së Lartë.

Florenc Drizari/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.