Gjykata ‘duhet të refuzojë’ ofertën Hungari-Poloni për të hequr kushtet e fondeve të BE-së!
Përpjekja e gjykatës së Hungarisë dhe Polonisë për të ndaluar dhënien e parave të BE-së me kushtin për respektimin e sundimit të ligjit “duhet të hidhet poshtë”. Budapesti dhe Varshava e dërguan çështjen e tyre në Gjykatën Europiane të Drejtësisë. Por, të enjten, avokati i përgjithshëm i gjykatës lëshoi një opinion duke argumentuar se përpjekja e tyre duhet të hidhet poshtë. Këshillimi i gjykatës i paraprin një vendimi të plotë gjyqësor, i cili pritet brenda muajve në vijim.
Lidhja e disbursimit të fondeve me parimet demokratike ishte një pjesë kyçe e vendimit të BE-së vitin e kaluar për të nxitur një program masiv subvencionimi për 27 vendet anëtare për të kapërcyer ndikimin e paprecedentë të pandemisë së koronavirusit.
Avokati i Përgjithshëm Manuel Campos Sanchez-Bordona këshilloi se veprimet e Hungarisë dhe Polonisë “duhen hedhur poshtë” dhe argumentoi se lidhja buxhet-shteti i ligjit ishte “miratuar mbi një bazë ligjore të përshtatshme … dhe respekton parimin e sigurisë juridike”. Gjykata tha në një deklaratë se “përputhja me parimet e sundimit të ligjit mund të jetë thelbësore për funksionimin e shëndoshë të financave publike dhe zbatimin e duhur të buxhetit të Bashkimit”.
Polonia dhe Hungaria janë përballur me kritika në BE për vite me radhë për akuzat se ato kanë gërryer pavarësinë e gjyqësorit dhe medias, ndër parimet e tjera demokratike. BE-ja e kishte gjetur veten të paaftë të bënte shumë për të ndryshuar kursin e secilit komb dhe për këtë arsye u kthye në lidhjen e parave me aderimin e tyre ndaj sjelljes demokratike.
Në Hungari, kryeministri Viktor Orban ka nxitur atë që ai e quan “demokraci joliberale”, që kritikët e tij thonë se përbën mbytje të demokracisë. Në Poloni, partia Ligj dhe Drejtësi dominon në mënyrë dërrmuese qeverinë dhe gjithashtu është përballur gjithnjë e më shumë me kritika nga vendet e tjera anëtare të BE-së. Hungaria dhe Polonia fillimisht kërkuan të bllokonin buxhetin për shkak të futjes së mekanizmit të ri, por përfundimisht ranë dakord me planin me kushtin që Gjykata Europiane e Drejtësisë do ta rishikonte atë. EN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.