Gjykata e Lartë e Kosovës hap rrugën për votimin e qeverisë së re – Kurti paralajmëron protesta
Gjykata Kushtetuese e Kosovës ka vendosur se një qeveri e re mund të formohet pa mbajtjen e zgjedhjeve të parakohshme, një vendim i kundërshtuar nga partia e kryeministrit të përkohshëm, e cila ka premtuar protesta në rrugë.
Qeveria e Albin Kurtit u rrëzua më 25 mars, pas rreth dy muajsh në detyrë, pas mosmarrëveshjeve me partnerin e saj kryesor, Lidhjen Demokratike të Kosovës (LDK), për trajtimin e saj të pandemisë dhe heqjen e tarifave për mallrat serbe.
“Partia më e madhe politike nuk ka ekskluzivitetin për të propozuar kandidatin e kryeministrit për të formuar qeverinë,” tha gjykata.
Kurti mbështeti zgjedhjet e parakohshme pasi pa që partitë e tjera u mblodhën së bashku me ish-partnerin e tij të koalicionit LDK për të formuar një qeveri të re. Partia e tij tha se do të organizojë protesta në ditët e ardhshme.
Detyra për të formuar qeverinë tani i është dhënë kandidatit të LDK-së, Avdullah Hoti, ish-zëvendëskryeministër dhe ministër financash.
Hoti ka premtuar se do të kthehet në negociata me Serbinë për të normalizuar lidhjet nën ndërmjetësimin e BE dhe Shteteve të Bashkuara. Bisedime të tilla u ndërprenë në vitin 2018 kur një qeveri e mëparshme futi tarifa 100% për mallrat e prodhuara në Serbi. (Reuters)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.