Gjykata Kushtetuese bëhet funksionale – Meta: Duhet të monitorojmë punën e saj deri sa të plotësohet me 9 anëtarë
Presidenti i Republikës, Ilir Meta ka përshëndetur nga Elbasani bërjen funksionale të Gjykatës Kushtetuese. Ndërsa më herët gjatë ditës së enjte anëtari i gjashtë i saj Përparim Kalo bëri betimin, Meta tha se është një hap shumë i rëndësishëm përpara por se ka ende punë, pasi Kushtetuesja numëron sot 6 anëtarë nga 9 që përcakton ligji.
Ai e cilësoi Gjykatën Kushtetuese si institucionin më të rëndësishëm në vend, duke sjellë në vëmendje edhe rastin e Kosovës, ku një vendim i kësaj Gjykate rrëzoi Qeverinë Hoti.
Kushtetuesja është në pritje të tre anëtarëve të fundit, të cilët zgjidhen nga Gjykata e Lartë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.