Gjykata Supreme aprovon fondet presidentit Trump për murin kufitar

Gjykata Supreme e SHBA vendosi përkohësisht që Presidenti Donald Trump të mund të përdor fondet ushtarake për të ndërtuar një pjesë të murit përgjatë kufirit të Shteteve të Bashkuara dhe Meksikës. Gjykata votoi 5-4 për të pezulluar një urdhër të gjykatësit federale të Kalifornisë për të bllokuar përdorimin e 2.5 miliardë dollarëve të fondeve ushtarake për një mur që ai premtoi të ndërtonte gjatë fushatës së tij.

Presidenti amerikan festoi vendimin e gjykatës, duke u përgjigjur: “Wow! Fitore e madhe për Murin, Fitore e Madhe për Sigurinë Kufitare dhe Sundimit të Ligjit!”

Wow! Big VICTORY on the Wall. The United States Supreme Court overturns lower court injunction, allows Southern Border Wall to proceed. Big WIN for Border Security and the Rule of Law!

— Donald J. Trump (@realDonaldTrump) July 26, 2019

Bashkimi Amerikan i Lirive Civile, i cili ngriti padinë në emër të organizatës mjedisore Sierra Club dhe Koalicionit për Komunitetet Kufitare Jugore, tha se ata do të luftonin vendimin e marrë. “Gjykata Supreme po lejon përkohësisht Trump që të ketë qasje në fonde, por rasti do të kthehet në Gjykatën e Apelit për një vendim,” tha grupi i avokatisë Sierra Club.

“Bashkësitë kufitare, mjedisi dhe ndarja e pushteteve të Kushtetutës tonë do të dëmtohen përgjithmonë nëse Trump të largohet me fonde ushtarake për një mur kufitar ksenofobik”, tha Dror Ladin, avokat i stafit me Projekte të Sigurisë Kombëtare të ACLU-së. ACLU shkroi në Twitter se kërkesa e presidentit amerikan ishte një “përpjekje e hapur për të anashkaluar fuqitë e përvetësimit të Kongresit”. Kongresi, i cili përcakton buxhetin e qeverisë amerikane, më parë i kishte mohuar Trump 5.7 miliardë dollarë për muret kufitare që çuan në një mbyllje të pjesshme të qeverisë amerikane prej 35 ditësh.

ACLU e ngriti çështjen pasi Trump tha, pas mbylljes, se ai do të transferonte disa nga fondet e Pentagonit në Departamentin për Sigurinë e Atdheut (DHS) i cili është përgjegjës për sigurinë kufitare. Kryetarja e Demokratike e Shtëpisë, Nancy Pelosi, shkroi në Twitter se vendimi i Gjykatës së Lartë ishte “me të meta të thella”. SHBA dhe Guatemala nënshkruan një marrëveshje të njëjtën ditë që kërkon që emigrantët që mbërrijnë në Guatemalë të aplikojnë për të kërkuar azil atje. (Euronews)

This evening’s Supreme Court ruling allowing @realDonaldTrump to steal military funds to spend on a wasteful, ineffective border wall rejected by Congress is deeply flawed. Our Founders designed a democracy governed by the people — not a monarchy.

— Nancy Pelosi (@SpeakerPelosi) July 26, 2019

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.