Gjysma e makinave deri në 2030, emetim zero – Biden nënshkruan urdhrin ekzekutiv dhe merr mbështetjen e kompanive
Presidenti amerikan Joe Biden nënshkroi një urdhër ekzekutiv që synon të bëjë gjysmën e të gjitha automjeteve të reja të shitura në vitin 2030 me emetime zero dhe propozoi rregulla të reja të emetimit të automjeteve për të ulur ndotjen deri në vitin 2026, tha Shtëpia e Bardhë.
Synimi i Biden, që nuk është ligjërisht i detyrueshëm, fitoi mbështetjen e prodhuesve të mëdhenj amerikanë dhe të huaj, të cilët paralajmëruan se do të kërkonte miliarda dollarë në financimin e qeverisë. General Motors Co, Ford Motor Co dhe Chrysler, thanë në një deklaratë të përbashkët se ata aspironin “të arrijnë shitje prej 40-50% të vëllimeve vjetore amerikane të automjeteve elektrike … deri në vitin 2030”.
Projekti përfshin bateri elektrike, qeliza karburanti dhe automjete hibride plug-in që gjithashtu kanë një motor benzinë.
Rregullat e propozuara të Biden, që përfshijnë periudhën kohore 2023-2026, pritet të jenë të ngjashme në reduktimet e përgjithshme të emetimeve të automjeteve me marrëveshjen e Kalifornisë 2019 me disa prodhues automjetesh që synon të përmirësojë ekonominë e karburantit 3.7% çdo vit deri në vitin 2026.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.