Gjysma e shteteve amerikane lehtësojnë kufizimet e koronavirusit ndërsa papunësia prek gati 20% të popullsisë në moshë pune
Shtëpia e Bardhë la udhëzimet e saja 2-javore të rihapjes ekonomike të skadonin të enjten ndërsa gjysma e të gjitha shteteve amerikane u përpoqën me strategjitë e tyre për lehtësimin e kufizimeve në restorante, dyqane me pakicë dhe bizneset e tjera të mbyllura nga kriza e koronavirusit.
Presioni i madh ndaj Shteteve për të rihapur, përkundër mungesës së testimit në shkallë të gjerë të virusit dhe masave të tjera mbrojtëse të nxitura nga ekspertët shëndetësorë, u theksuan në të dhënat e reja të Departamentit të Punës që tregojnë se rreth 30 milion amerikanë kanë kërkuar përfitime të papunësisë që nga 21 Mars.
Numri i të papunëve arrin në më shumë se 18.4% të popullsisë amerikane në moshë pune, një nivel që nuk shihet që nga Depresioni i Madh i viteve 1930.
Ndarja fizike e njerëzve – duke mbyllur shkollat, bizneset dhe vendet e tjera të tubimeve shoqërore – mbetet arma kryesore kundër virusit të frymëmarrjes tejet ngjitës pa vaksina dhe pa kurë.
Por me dhimbjen ekonomike që arrin përmasat historike, shqetësimi për të lehtësuar urdhrat e qëndrimit në shtëpi dhe kufizimet e detyrueshme të vendit të punës është rritur.
Për herë të dytë në dy javë, qindra protestues – përfshirë anëtarët e grupit të armatosur të milicisë – dolën në shtetin e Michigan në Lansing duke kërkuar fundin e urdhrave të qëndrimit në shtëpi të guvernatorit Gretchen Whitmer. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.