GM prezanton dy SUV të mëdha/ Tahoe dhe Suburban, makinat më të mëdha për pasagjerë!
General Motors prezantoi makinën e parë të gjeneratës së re të modeleve SUV të mëdhaja, me qëllim që të gjenerojë para për të paguar për makinat elektrike të së ardhmes. Chevrolet Tahoe dhe Suburban 2021 janë ndër makinat më të mëdha për pasagjerë në treg.
Makina do të montohet në Teksas dhe ka një motor benzine prej 8-cilindra apo nafte me 6-cilindra. Shefi ekzekutiv i General Motors, Mary Barra, tha në në muajin Tetor se kompania do të investojë më shumë para në makinat elektrike se sa në modelet e benzinës në 5 vitet e ardhshme.
Modeli mesatar Tahoe është shitur për 57,414 në Nëntor, ndërsa çmimi mesatar i Ford Expedition arrin mbi 64,000 dollarë.
Modeli Cadillac Escalade i General Motors, që bazohet tek Tahoe dhe Suburban, përbën më të shtrenjtin e kompanisë me një çmim mesatar të shitjes prej mbi 86,000 dollarë në Nëntor.
Ekzekutivët e industrisë thonë se marzhi i fitimit për modelet e mëdha SUV mund të arrijnë në mbi 30%, apo më shumë se 15,000 dollarë për makinë.
Sipas analizave, kamionçinat e mëdha dhe SUV përbënin 72% të fitimeve të General Motors në Amerikën e Veriut për 2018-ën. General Motors zotëron mbi 70% të tregut të makinave të mëdha në Amerikën e Veriut.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.