Gmail “pushtohet” nga mesazhet Spam – Hakerat anashkalojnë filtrat e mesazheve “të padëshiruara”

Gmail zakonisht mbahet si një  filtrues i zotë përsa i përket mesazheve të padëshiruara të spamit, por një numër i konsiderueshëm përdoruesish kanë raportuar se kutia e tyre hyrëse, “inbox-i”, ishte e mbushur me reklama që dukej se ishin dërguar nga llogaritë e tyre.

Përdorues të shumtë u ankuan në forumet e Google duke raportuar se mesazhet janë dërguar nga llogaritë e tyre, pavarësisht se ishin të siguruara me verifikimin me dy faktorë.

Me anë të kompanisë Kanadeze të Telekomunikacionit, “Telus” hakerat kishin arritur të anashkalonin filtrat e “Spamit” duke bërë që që emailet të duken sikur ishin dërguar vetë prej tyre.

Por një zëdhënës i kompanisë tha se kjo ishte një ngjarje që ka prekur vetëm një numër të vogël përdoruesish.

Ndërkohë kompania “Telus” mohoi faktin se mesazhet vinin nga serverët e saj.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.