“Goditja e paligjshmërisë, numër i lartë të ndaluarish”- Kontrolle për energjinë, prerjen e pyjeve, lojërat e fatit, zjarrvënien dhe ndërtimet pa leje
Në të gjithë vendin strukturat e Policisë së Shtetit kanë vijuar punën për parandalimin, evidentimin dhe goditjen e krimeve mjedisore dhe veprimtarisë së paligjshme të ushtrimit të lojërave të fatit.
Konkretisht, përmes një njoftimi për mediat bëhet me dije se për ndërtimeve pa leje janë evidentuar 680 raste me 744 autorë, ku sipas të dhënave 40 autorë janë arrestuar e ndaluar, 36 janë autorë janë shpallur në kërkim, 668 ndiqen në gjendje të lirë.
Sa i takon aksionit për energjinë elektrike janë kryer 38.123 kontrolle të përbashkëta OSHEE-Polici
“Evidentohen 214 raste me 222 autorë, 12 autorë arrestuar në flagrancë, 10 autorë shpallur në kërkim, 200 autorë ndiqen në gjendje të lirë”
Policia e Shtetit jep informacion edhe për prerjen e pyjeve, ku më tej thuhet se janë evidentuar rreth 52 raste me 64 autorë, 10 të arrestuar në flagrancë, 51 autorë ndiqen në gjendje të lirë, 3 shpallur në kërkim.
Për shkatërrimin e pyjeve me zjarr, Policia Shtetit njofton se janë evidentuar rreth 62 raste të qëllimshme dhe nga pakujdesia.
“Bëhet fjalë për 62 raste të qëllimshme e nga pakujdesia. 85 raste si aksidentale. Deri tani flitet për 18 autorë të arrestuar e ndaluar, 42 autorë ndjekur në gjendje të lirë, 4 autorë shpallur në kërkim”, thotë policia.
Për gjuetinë e paligjshme deri më tani flitet për 3 raste me 3 autorë të proceduar në gjendje të lirë.
Në fund sa i takon lojërave të fatit pa leje, bëhet fjalë për 49 raste me 49 autorë, nga ku 3 janë arrestuar dhe 46 persona të tjerë ndiqen në gjendje të lire.
Kontrollet e policisë për evidentimin e veprimtarive së paligjshme janë kryer nga data 1 Korrik deri më 9 Shtator.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.