Goldman mbi ekonominë globale – Perspektivë pozitive për vitin që vjen, pret një rritje me 4%
Banka amerikane e investimeve, Goldman Sachs, bëri të ditur se ky vit ka qenë pozitiv për ekonominë globale dhe se 2018-a do ta ndjekë këtë trendë.
Sipas bankës, rritja ekonomike globale ka rifituar vrull. Gjermania, ekonomia më e madhe e Europës, u rrit me 0.8% në tremujorin e tretë, Japonia ka treguar rritje për 7 tremujorë radhazi, ndërsa ekonomia e Shteteve të Bashkuara u rrit me 3% në tremujorin e tretë.
“2017-a po kthehet në vitin ku rritja ekonomike është sinkronizuar në të gjithë botën. Ne presin që 2018-a të ketë të njëjtën tendencë”, deklaron Goldman Sachs.
Sipas ekonomistëve të bankës, ekonomia globale pritet të rritet me 4% vitin që vjen për disa arsye, përfshirë vrullin e fortë, kushtet lehtësuese financiare dhe pritshmërive për stimuj fiskal në SHBA.
Titujt e kapitalit në të gjithë botën kanë përfituar nga performanca e fortë ekonomike e këtij viti.
Në SHBA, indeksi Standard & Poors me 500 kompani, është rritur e më shumë se 14% deri më tani për vitin. Indeksi i Gjermanisë, DAX 30, ka shtuar 13%, ndërsa Nikkei 225 i Japonisë ka treguar një rritje me 17.2% këtë vit.
“Duke iu drejtuar 2018-ës, një nga rreziqet kryesore për investitorët është kalimi i reformave tatimore në SHBA, ndjekur nga politikat tregtare”, deklaron Goldman.
Banka sheh një shans prej 80% që reforma tatimore të arrihet në fillim të 2018-ës, megjithatë, nëse nuk ndodh, do të ishte dështimi i dytë për Donald Trump dhe do të ulte bindshëm vlerësimet për të.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.