Goldman, optimist për paundin – “Valuta e tregjeve të zhvilluara me potencialin më të madh”

Banka Amerikane e investimeve, Goldman Sachs, deklaroi se paundi britanik përfaqëson mundësinë më të madhe për valutat e tregjeve të zhvilluara, ndërkohë që pritet një përfundim i ngërçit të Brexit së shpejtë. “Po afron fundi i shumëpritur. Po bëjmë progres pavarësisht dështimit të votave”, bëri të ditur Goldman, pasi parlamenti Britani refuzoi përsëri të gjitha alternativat e marrëveshjes së Theresa May për të dalë nga Bashkimi Europian.

Pavarësisht shqetësimeve të zgjatura për skenarin e daljes pa marrëveshje,  Goldman bëri të ditur se një “soft” Brexit me bashkim doganor dhe referendumi i dytë për daljen, mund të ndodhin në ditët e ardhshme. “Sterlina është mundësia më e madhe në kursin e këmbimit të tregjeve të zhvilluara”, deklaroi Goldman.

Paundi ra me 0.4% në 1.3050 në nisje të tregtisë ditën e sotme, që është niveli më i ulët i vargut të krijuar së fundmi.   Parlamenti refuzoi mundësinë për të qëndruar në tregun e Bashkimit Europian me vetëm 3 vota, çka nënkupton se mund të votohet përsëri në mes të javës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.