Goldman Sachs: Fuqia e Bitcoin nuk e kërcënon dot arin, mbetet aseti më i sigurt
Popullariteti në rritje i Bitcoin nuk është një kërcënim për statusin e arit si aset ruajtës, tha Goldman Sachs të enjten.
Aseti dixhital më i popullarizuar në botë u rrit mbi 23,000 dollarë këtë javë ndërsa vazhdoi rritjen e jashtëzakonshme të vitit 2020. Çmimi i Bitcoin fitoi 16% brenda vetëm tre ditëve, duke e çuar fitimin e tij për vitin mbi 200%.
“Nënperformanca e fundit e arit kundrejt normave reale dhe dollarit ka lënë disa investitorë të shqetësuar se Bitcoin po zëvendëson arin si mbrojtjen e preferuar ndaj inflacionit”, thanë strategët e udhëhequr nga Jeffrey Currie në një shënim. “Ndërsa ka disa zëvendësime që po ndodhin, ne nuk e shohim rritjen e popullaritetit të Bitcoin si një kërcënim ekzistencial ndaj statusit të arit si monedha e mundësisë së fundit.”
Banka shpjegoi qëndrimin e saj duke vërejtur se investitorët institucionalë dhe individë të pasur shmangin investimet e kriptovalutave për shkak të çështjeve të transparencës.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.