Goldman Sachs, në optimizëm për naftën! Pret nivel rekord të kërkesës në 2022 dhe 2023 prej aviacionit dhe transportit
Banka amerikane e investimeve, ‘Goldman Sachs’, pret që kërkesa mesatare botërore për naftë të shënojë nivele rekord në 2 vitet e ardhshme, prej rritjes së kërkesës nga industria e aviacionit dhe transportit, si dhe nga infrastruktura e ndërtimi.
Analistët e bankës thotë se ka pasur kërkesë rekord të lartë që para se të shfaqej varianti dhe kërkesa për karburant të avionëve po rritet. Ndërkohë që rimëkëmbja ka arritur në një pengesë, me rritjen e rasteve me Covid-19 në disa pjesë të Hemisferës së Veriut gjatë Dimrit, masat e karantinës vazhdojnë të jenë të limituara.
Goldman Sachs pret një rritje të qëndrueshme të kërkesës botërore për naftë deri në fund të kësaj dekade në rreth 106 milionë fuçi në ditë, ndërkohë që tranzicioni energjitik, pritet të jetë gradual. Makinat elektrike do frenojnë kërkesën për karburant, por kamionët dhe avionët kanë ende shumë kohë për t’u dekarbonizuar. Sipas analistëve të bankës, po shiten 6 milionë makina elektrike në vit, çka është më pak se 100,000 fuçi në ditë të larguara nga kërkesa, në një treg prej 100 milionë fuçi në ditë, çka përbën një pjesë shumë të vogël.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.