Goldman Sachs për Italinë – Pret reagim nga agjencitë e vlerësimit të kreditit për buxhetin e ri
Zhvlerësimi i borxhit Italian në mbeturinë, pas rritjes së deficit në buxhetin e ri nga qeveria populiste, mund të shkaktojë një ndalesë të papritur të kapitalit, sipas Goldman Sachs. Lajmërimi i një deficiti sipër projeksioneve të tregut nga Qeveria dhe rritja e mundshme e borxhit publik do të shtojë rrezikun e zhvlerësimit, gjë që do të sjellë rënien e mëtejshme të aktiveve italiane. Tre agjencitë kryesore të vlerësimit e mbajnë Italinë 2 nota sipër nivelit mbeturinë. Moody’s dhe Standard & Poor’s pritet të rishikojnë vendin në muajin e ardhshëm.
“Zhvlerësimi me 1 apo 2 gradë nga agjencitë mund të rrisë presionet te aktivet italiane. Zhvlerësimi me më shumë se 1 notë mund të sjellë një ndalesë të papritur të furnizimit me kapitali”, deklaroi Goldman Sachs. Kjo përkthehet në paaftësi për Italinë që të arrijë kërkesë të mjaftueshme nga jashtë për titujt e vet të borxhit, duke përkeqësuar huamarrjen për vendin. Borxhi qëndron aktualisht në 130% të Produktit të Brendshëm Bruto, që është niveli i dytë më i madh në Europë.
Ndërkohë që defiçiti prej 2.4% të PBB është poshtë limitit të Bashkimit Europian prej 3%, kjo mund të vendosë limite në financimin për vendin, veçanërisht nëse norma e projektuar tejkalohet. Goldman Sachs shton se rritja e shpenzimeve nuk ka gjasa të ketë ndonjë ndikim të madh në ekonomi. Yield-i 10-vjeçar i Italisë u rrit me 37 pikë bazë në 3.26%, që është niveli më i lartë që prej muajit Maj, ku koalicioni bëri të ditur planet e shpenzimeve.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.