Goldman Sachs ul projeksionet për SHBA – Një rritje me 3.8% në vitin 2020, prej rreziqeve të mundshme të Omicron
Banka e investimeve Goldman Sachs ka shkurtuar projeksionet për rritjen ekonomike të Shteteve të Bashkuara në 3.8% për vitin 2022, duke përmendur rreziqet dhe pasiguritë në lidhje me shfaqjen e variantit Omicron të koronavirusit. Analistët e bankës theksojnë se varianti i ri i koronavirusit mund të ngadalësojë rihapjen e ekonomive, por pritet vetëm një ngadalësim modest tek shpenzimet në shërbime.
Banka pret tashmë që Produkti i Brendshëm Bruto i SHBA të rritet me 3.8%. në rënie nga 4.2% që pritej më parë. Norma për tremujorin e katërt është shkurtuar gjithashtu në 2.9%, nga 3.3% që Goldman projektonte më parë. “Ndërkohë që shumë pyetje qëndrojnë pa përgjigje, ne presim tashmë një skenar negativ ku virusi përhapet më shpejtë”- deklaroi banka.
Sipas lajmërimit, mungesa e punëtorëve mund të zgjasë më shumë se sa pritej nëse njerëzit nuk ndihen të sigurtë që të rikthehen në punë prej variantit. Goldman Sachs theksoi se përhapja e virusit mund të përkeqësohet nëse vende të tjera aplikojnë kufizime më të ashpra, por rritja e normave të vaksinimit tek partnerët tregtarë, do të parandalonte ndërprerjet e mëdha të zinxhirit të furnizimit.
Projeksioni i bankës së investimeve për Shtetet e Bashkuara vjen pasi shefja e Fondit Monetar Ndërkombëtar, Kristalina Georgieva, tha se institucioni ka gjasa të ulë projeksionet për ekonominë botërore për shkak të variantit omicron.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.