Goldman, tejet optimist për naftën / Banka pret çmimin 80 $ për fuçi prej rimëkëmbjes së kërkesës nga pandemia
Goldman Sachs tha se pret që çmimet e naftës do të rriten në 80 dollarë për fuçi në tremujorin e katërt të këtij viti, duke argumentuar se tregu ka nënvlerësuar rimëkëmbjen e kërkesës, edhe nëse rinis furnizimi i Iranit në treg. “Mundësia e çmimeve më të larta të naftës qëndron e paprekur, duke marrë parasysh rritjen e madhe të kërkesës, si pasojë e vaksinimit të shpejtë, ndërkohë që oferta është jo-elastike”- deklaroi banka. Edhe nëse rikthehen eksportet e Iranit në Korrik, çmimet brent do të arrijnë nivelin e 80 dollarëve në tremujorin e katërt, sipas bankës. Çmimet e naftës ranë javën e kaluar, pasi presidenti i Iranit, Hasan Rouhani, tha se Shtetet e Bashkuara janë gati të heqin sanksionet ndaj Teheranit, sanksione që godasin sektorin bankar, naftën dhe transportin. Nafta u rimëkëmb lehtë në nisje të Javës, ndërkohë që bisedimet indirekte mes Washingtonit dhe Teheranit pritet të rinisni këtë Javë. Goldman Sachs theksoi se rimëkëmbja e kërkesës në vendet e zhvilluara do të ndikojë goditje tek konsumi nga koronavirusi. Kërkesa botërore mund të rritet me 4.6 milionë fuçi në ditë deri në fund të vitit , me shumicën e rritjeve që pritet të ndodhin në 3 muajt e ardhshëm. “Lëvizshmëria po rritet në Europë dhe SHBA, ndërkohë që vaksinimi ka marrë vrull dhe po hiqen masat e karantinës” –deklaroi banka.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.