Google investon 550 milionë dollarë në gjigantin kinez të tregtisë elektronike JD.com

Google do të investojë 550 milionë dollarë në gjigantin e tregtisë elektronike, JD.com, si pjesë e përpjekjeve të gjigantit amerikan për të zgjeruar praninë e saj në rritjen e shpejtë të tregjeve aziatike dhe rivalëve të saj, përfshirë këtu Amazon.com.

Të dy kompanitë e përshkruan këtë investim si pjesë e një partneritetit më të gjerë që do të përfshijë promovimin e produkteve JD.com në shërbimin e tregtisë së Google.

Kjo mund të ndihmojë JD.com të zgjerohet përtej bazës së saj në Kinë dhe Azinë Juglindore dhe të krijojë një prani domethënëse në tregjet amerikane dhe evropiane.

“Ky partneritet me Google hap një gamë të gjerë mundësish për të ofruar një eksperiencë të lartë të shitjes me pakicë për konsumatorët anembanë botës”, tha Jianwen Liao, zyrtari kryesor i strategjisë së JD.com, në një deklaratë.

Zyrtarët e kompanisë thanë gjithashtu se kjo marrëveshje do të bashkonte tregun e Google-it, dhe forcën analitike me  ekspertizën e JD.com në menaxhimin e logjistikës dhe inventarit.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.