Google ‘ndahet’ nga Huawei pas listës së zezë të Trump
Kompania Google ka pezulluar marrëdhëniet me Huawei që kërkon transferimin e pajisjeve, softuerëve dhe shërbimeve teknike përveç atyre që janë në dispozicion publikisht përmes licencimit me burim të hapur. Kjo erdhi si pasojë e kërkesës së SHBA për të futur të gjitha kompanitë e teknologjisë kineze në ‘listën e zezë’.
Megjithatë ata që aktualisht disponojnë smartfonë Huawei do të mund të vazhdojnë t’i përdorin si dhe të kryejnë përditësime të aplikacioneve nga Google, bëri me dije një zëdhënës i kompanisë.
“Për përdoruesit e shërbimeve tona, Google Play dhe mbrojtjet e sigurisë nga Google Play Protect do të vazhdojnë të funksionojnë në pajisjet ekzistuese Huawei”, vazhdoi ai.
Versione e ardhshme të smartfonëve Huawei që funksionojnë në Android gjithashtu do të humbasin aksesin në shërbimet e zakonshme, duke përfshirë Google Play Store, Gmail dhe aplikacionet e YouTube.
Administrata Trump të enjten shtoi Huawei Technologies Co Ltd në një listë të zezë tregtare, duke zbatuar menjëherë kufizime që do ta bënin jashtëzakonisht të vështirë për kompaninë të bënte biznes me homologët e tij amerikanë.
Detajet e shërbimeve specifike të prekura nga pezullimi ishin ende në diskutim brenda në Google, sipas burimit. Edhe avokatët e Huawei nga ana tjetër janë duke studiuar gjithashtu ndikimin e listës së zezë, tha një zëdhënës i Huawei.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.