Google – Një dekadë për të kuptuar cilësitë e një lideri të mirë!
“Njerëzit lënë menaxherët, jo kompanitë.” Kjo është një shprehje e dëgjuar dhe e përjetuar nga pjesa më e madhe e atyre që të paktën një herë kanë ndryshuar ambientin e punës. Por çfarë i bën njerëzit të ndihen të pakënaqur nga menaxherët, e nëse ju ndodh që të udhëhiqni një ekip, çfarë cilësish ju bëjnë të kategorizoheni si një “lider i mirë” ?
Këto janë llojet e pyetjeve që Google ka përcaktuar për t’iu përgjigjur. Që në vitin 2008, ata filluan kërkimet për projektin “Project Oxygen”, duke analizuar sjelljet e drejtuesve të suksesshëm.
Google fillimisht identifikoi tetë sjellje që ishin të zakonshme mes menaxherëve të tyre më të lartë dhe filluan të stërvitnin të gjithë menaxherët e tjerë të zhvillonin të njëjtat sjellje. Me kalimin e kohës, ata panë një përmirësim të dukshëm në performancën e punonjësve.
“Ne kemi vënë re se me kalimin e kohës, cilësitë e një menaxher të madh në Google evoluojnë paralelisht me kompaninë,” shkroi Melissa Harrell, përfaqësuese e Google.
Burimi: Inc. Magazine
J.V/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.