Google përditëson shërbimet / Synon të ruajë rritjen e përdorimit pas heqjes së karantinës
Google ka prezantuar këtë javë përditësime tek shumë shërbime, përfshirë Maps dhe Docs, ndërkohë që kompania po vë në dukje rolin e vetë në një botë që është bërë më e ndërlidhur gjatë pandemisë. Motori i kërkimit i google, video-konferencat dhe mjete të tjera janë bërë më të përdorura në vitin e fundit, ndërkohë që pandemia detyroi njerëzit të bëjnë blerje dhe komunikojnë në rrjet. Ndërkohë që aktivitetet fizike po rikthehen, Google po përpiqet të vërtetojë se qëndron i rëndësishëm dhe konkurrues me shërbimet e Microsoft, Apple e të tjera, përfshirë nëpërmjet karakteristikave që nxisin ambientin hibrid të punës. Ekzekutivi Sundar Pichai, theksoi në një konferencë prej 2 orësh këtë javë se kompania po përpiqet të ndihmojë shoferët që përdorin Google Maps që të reduktojnë frenat e menjëhershme duke naviguar nëpërmjet itinerareve më të sigurtë, ndërkohë që shfaqi edhe opsione të reja brenda Google Docs. Rritja e privatësisë së të dhënave dhe zgjerimi i bizneseve me nënshkrime kanë qenë fusha të tjera të prioritetit, ndjekur nga përmirësimi i performacnës së produkteve përmes inteligjencës artificiale.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.