Google prezanton të hënën versionin më të ri të Android
Kompania tashmë ka folur shumë për atë që po vjen së bashku me këtë version të ri të Android, i cili njihet ndryshe si “Andrid O”.
Një nga ndryshimet më të mëdha që është diskutuar tashmë është elementi më I ri “picture in picture” I cili I lejon përdoruesit të shikojnë filma gjatë kryerjes së veprimeve të tjera.
Ju do të mund të lundroni në internet dhe njëkohësisht të shikoni një film. Tashmë nuk do të keni pse të mbyllni një dritare për të hapur një tjetër por mund t’i mbani hapur në të njëjtën kohë, një opsion tashmë i disponueshëm në pajisjet Samsung.
Google zakonisht i emërton lëshimet e reja të Android me emra ëmbëlsirash. Si psh Androi Nougat, Android Lollipop etj. Kështu që të hënën do të shohim se si do të jetë emri i ri për versionin më të ri të Android.
Kompania ka të ngjarë të lëshojë versionin e ardhshëm të Android për smartphonet Pixel, dhe zakonisht kjo kërkon muaj që krijuesit e smartphoneve ta përditësojnë këtë edhe për smartphonet tuaj, kështu që mos prisni ta shihni menjëherë në telefonin tuaj.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.