Google “shpërngulet” në New York – $1 miliardë për ndërtesën e re

Google ka investuar më shumë se 1 miliardë dollarë për objektin e ri  që po ndërtohet në Nju Jork.

Sipas Reuters, kështu Google bëhet kompania e dytë më e madhe e teknologjisë pasi Amazon ka marrë kapitalin financiar të Amerikës për të zgjeruar dhe krijuar mijëra vende pune. Kompania tha se ndërtesa, me  sipërfaqe 1.7 milionë metra katrorë , e  quajtur Google Hudson Square, do të përfshijë pronat me qira në Hudson Street dhe Washington Street. Google shpreson të fillojë të lëvizë në ndërtesën e re e cila do të jetë  vendi kryesor për organizimin global të biznesit, në vitin 2022.

Plani për të investuar jashtë bazës së tij pasqyron lëvizjet e gjigantëve të tjerë të teknologjisë amerikane si Apple, i cili tha javën e kaluar se do të shpenzonte 1 miliardë dollarë për të ndërtuar një kampus të ri në Austin, Texas. Muajin e fundit, Amazon tha se do të hapte zyra në Nju Jork dhe në zonën e Uashingtonit, duke krijuar më shumë se 25,000 vende pune.

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.