Google vjen me smartfonë ekonomikë! Pajisjet që kushtojnë më lirë, priten në treg brenda 4 muajve

“Google” synon që të zgjerojë linjën e saj të ‘smartphonëve’ “Pixel“duke shkuar përtej fashës së tregut. Media të ndryshme ndërkombëtare raportojnë se kompania ka në plan që të hedhë një ‘smartphone’ të fashës së mesme në korrik ose gusht. E në fakt, ky produkt duket se ka në fokus tregjet në zhvillim si p.sh atë të Indisë.

Mediat aziatike raportojnë se “Pixel Phone” për shtresat e mesme është një nga produktet hi-tech me të cilët “Google” synon të zerë vend në raftet indiane.  Deri në fund të këtij muaji pritet hedhja në treg e pajisjeve të sallonit “Google Home” e “Google Home Mini” ndërsa brenda vitit mund të mbërrijë në Indi kompiuteri portabël “Pixelbook”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.