Gorilla që ndodhet në qendër të një hetimi financiar, pasi gëlltiti mbi 19,000 dollarë
Një gorillë, në një kopsht zoologjik publik, në Nigeri, është në qendër të një hetimi financiar. Gorilla mendohet se ka gëlltitur mbi 19.000 dollarë, para të cilat thuhet se janë pagesa të mbledhura nga klientët e kopshtit zoologjik. Kreu i kopshtit zoologjik dhe policia, kanë konfirmuar incidentin dhe po hetojnë se çfarë ka ndodhur.
‘’Gjithçka që mund të them është se paratë mungojnë“, ka thënë Umar Kashekobo, kreu i kopshtit zoologjik.
Për këtë ngjarje, ka reaguar dhe guvernatori i shtetit, Abdullahi Ganduje, i cili ka urdhëruar komisionin anti-korrupsion të hapë një hetim mbi çështjen, duke shqyrtuar në mënyrë urgjente të gjitha rrethanat, mbi të cilat ka ndodhur ky incident.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.