‘Grabitje rekord e kriptove’ – Hakerat vjedhin 552 milion euro nga Rrjeti Blockchain Ronin

Kompania Blockchain Ronin tha se hakerët vodhën kriptovaluta me vlerë rreth 552 milionë euro nga sistemet e saj, në atë që do të ishte një nga vjedhjet më të mëdha të kriptomonedhave në rekord.

Projekti tha se hakerat e paidentifikuar vodhën më 23 mars rreth 173,600 tokena eter dhe 25.5 milionë USD Coin token. Me kursin aktual të këmbimit, fondet e vjedhura kapin vlerën e 614 milionë dollarëve (552 milionë euro).

Kjo e bën atë vjedhjen e dytë më të madhe të kriptove në rekord, sipas firmës së analizës së blockchain Elliptic.

Ronin përdoret për të fuqizuar lojën popullore Axie Infinity, e cila përdor tokena të pandryshueshëm (NFT).

Ajo tha në një postim në blog se hakeri kishte përdorur çelësat privatë të vjedhur, fjalëkalimet e nevojshme për të hyrë në fondet e kriptove për të tërhequr fondet.

“Ne po punojmë drejtpërdrejt me agjenci të ndryshme qeveritare për të siguruar që kriminelët të sillen para drejtësisë,” tha ajo, duke shtuar se po diskutonte me Axie Infinity se si të sigurohej që fondet e përdoruesve të mos humbasin.

N.Xh / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.