Grante për kërkime e zhvillim, ndryshon ligji – Financat hedhin për konsultim publik draftin për ndërmarrjet mikro, të vogla e të mesme

Shqipëria është ndër të vetmet shtete Bashkë me Kosovën e Bosnjë Hercegovinën ku nuk është dhënë asnjë mbështetje financiare direkte në formën e granteve për kërkime dhe zhvillim, të konsideruara gjerësisht si nxitëse te ekonomisë, rritjes së konkurrencës e punësimit. Konstatim që vjen nga Ministria e Financave, e cila ka hedhur për konsultim public projektligjin “Për zhvillimin e ndërmarrjeve mikro, të vogla dhe të mesme”, me qëllim rritjen e mbështetjes së biznesit për të forcuar konkurrueshmërinë e tyre dhe zhvillimin ekonomik të vendit. Në relacionin shpjegues të draftit, Ministria e Financave shpjegon se shkak është ekzistenca e mangësive ligjore për dhënien e fondeve nga AIDA për bizneset.

Projektakti mundëson krijimin e një një kuadri ligjor dhe institucional më të plotë, i cili iu përgjigjet nevojave të ndërmarrjeve mikro, të vogla dhe të mesme. Masat mbështetëse për NMVM do të mirë përcaktohen me ligj, për të gjitha ndërmarrjet pavarësisht sektorëve ku operojnë. Në veçanti, referencat e reja ligjore që do të ngarkojnë organin e Këshillit të Ministrave për nxjerrjen e akteve nënligjore të mbështetjes së biznesit, duke adresuar të gjitha problematikat ligjore të hasura deri më sot, si edhe do të lehtësojë hartimin e politikave mbështetëse për ndërmarrjet dhe ekosistemin bizneseve në vend.

Specifikisht, ligji do të garantojë arritjen e katër objektivave, që janë:

–      Rritja e  mbështetjes për NMVM-të me 50 %;

–      Rritja e aplikimeve për teknologji të reja nga zero aktualisht në 50 % brenda vitit 2022.

–      Rritja çdo vit e numrit të ndërmarrjeve të reja me , rritja e numrit të të punësuarve si edhe  futja e instrumenteve të reja financiare me 10 %. respektivisht për cdo tregues;

–      Rritja e shkallës e përthithjes së granteve me 100 % nga bizneset.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.