Grante për projektet infrastrukturore – Hapet thirrja për aplikime nga 61 Bashkitë e vendit
61 Bashki të Shqipërisë do të mund të aplikojnë për fonde në mbështetje të projekteve infrastrukturore të shkallës së vogël si dhe për përmirësimin e kapaciteteve rajonale dhe lokale.
Programi i Zhvillimit Rajonal të Shqipërisë, i cili financohet nga Agjencia Zvicerane për Zhvillim dhe Bashkëpunim (SDC) dhe Agjencia Austriake për Zhvillimit (ADA) Kanë lançuar thirrjen për aplikime në kuadër të Skemës Pilote Rajonale të Granteve.
Vlerësimi, përzgjedhja dhe monitorimi i Skemës Pilote me një fond prej 822 000 euro do të bëhen nga secila AZHR.
Shuma e granteve nga 25 000 deri në 60 000 euro janë në dispozicion për propozimet e projekteve nga Bashkitë, të cilat do të përfshijnë: ndërhyrjet për të përmirësuar shërbimet arsimore, sportin, turizmin dhe infrastrukturën kulturore, shërbimet sociale lokale, lehtësirat në transportin lokal. Përmirësimi i kushteve socio-ekonomike është edhe një tjetër pikë kyçe e projektit.
Bashkitë do të mund të dorëzojnë projekt-propozimet e tyre deri më datë 21 maj 2018, ora 12:00. Ndërkohë, lidhur me informacionet, procesin dhe dokumentacionet përkatëse, do të mbahen gjatë kësaj periudhe edhe sesione informuese Zonë të Zhvillimit Rajonal.
Sa i takon aplikimit, duhet të jetë në Shqip, ndërsa Përmbledhja Ekzekutive e Veprimit” do të bëhet në Shqip dhe Anglisht.
Klikoni këtu për të shkarkuar formularin e aplikimit si dhe dokumentacionin përkatës të Skemës Pilote Rajonale të Granteve.
G.D.SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.