Grekët po përdorin më shumë motorët – Regjistrimet e reja motorike u rritën me 87% në Janar
Shitjet e makinave në Greqi, duke i marrë në tërësi të reja dhe të përdorura u rritën me 44.3 për qind në muajin Janar krahasuar me të njëjtën periudhë të një viti më parë. Kështu numri i automjeteve të shitura shkojë në 18.897 makina nga 13.096 në muajin Janar të vitit 2017.
Sipas Institutit të Statistikave Greke shitjet e reja të makinave arritën në 9.546 në Janar, nga 7.146 në Janar 2017, duke pësuar një rritje prej 33.6%.
Por më shumë se blerjen e një makine, duket se grekët janë të prirur më shumë për blerjen e një motori. Kështu sipas statistikave regjistrimet e motorëve arritën në 1.909 në Janar, nga 1.063 në janar 2017, për një rritje prej 79.6%.
Ndërsa regjistrimet e reja motorike arritën në 1711 në muajin e parë të vitit 2018, nga 915 një vit më parë, që llogaritet një rritje prej 87 për qind.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.