Greqi – Papunësia bie në 20.7% për muajin Tetor
Norma e papunësisë në Greqi ka shënuar rënie me 20.7 për qind për muajin Tetor të vitit 2017, raporton autoriteti i statistikave në vend, ELSTAT. Në mesin e 1 milionë të papunëve të regjistruar për këtë muaj, grupmosha 15 – 24 vjeç përbën edhe numrin më të lartë, me 40.8 për qind.
Shkalla e papunësisë në Greqi, e cila arriti një rekord të lartë prej 27.9 për qind në shtator të 2013, gjatë muajve të fundit ka shënuar rënie, por mbetet sërish më e larta në Eurozonë.
Edhe pse papunësia në Greqi mbetet tronditëse, vëzhguesit thonë se vendi po fillon të lëvizë në vendin e duhur. Ndërkohë, Greqia pret që shkalla e papunësisë të bjerë në 18.4 për qind këtë vit, bazuar në parashikimet e draft –buxhetit të saj për 2018.
Ndërkohë, kryeministri Alexis Tsipras tha në mbledhjen e parë të kabinetit të tij për këtë vit se Greqia është në ‘shtrirjen përfundimtare’ të programit të saj të tretë të shpëtimit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.